ملتان:پنجاب فوڈاتھارٹی نےمردہ مرغیاں فروخت کرنے والوں کے خلاف کارروائی کرتے ہوئےدوافراد کو گرفتارکرلیاجبکہ 800کلوگرام مردہ مرغیاں تلف کردی گئیں۔ایڈیشنل ڈائریکٹرآپریشنزشعیب جدون نے فوڈ سیفٹی ٹیم کے ہمراہ کھاد فیکٹری کے قریب پولٹری شاپ پر کارروائی کرتے ہوئے800 کلو گرام مردہ مرغیاں برآمدکرکے ڈمپنگ سائڈ پر تلف کر دیں۔ملزمان کیخلاف مقدمہ درج کرلیاگیاجبکہ پولیس نے 2 افراد کو گرفتار کرلیا۔
ڈی جی فوڈ اتھارٹی نے بتایاکہ پولٹری شاپ مالکان مردہ اورکم وزن مرغیاں فروخت کر رہے تھے۔ سلاٹر کونز کی عدم موجودگی اور ورکرز کے ٹریننگ سرٹیفیکیٹس کا کوئی ریکارڈ واضح نہ کیا گیااوریہ مردہ مرغیاں ہوٹلوں اور شوارما شاپس پرسپلائی کی جانی تھیں۔ انہوں نے کہاکہ مالکان کیخلاف ایف آئی آر درج کرا دی گئی ہیں اور 2 افراد کو پولیس نے گرفتار کرلیاہے۔ڈی جی فوڈ نے کہاکہ مردہ مرغیوں جیسا گھناؤنا کام کرنے والے عوام کے دشمن ہیں۔انہوں نے کہاکہ صحت دشمن عناصر کیخلاف پنجاب فوڈ اتھارٹی کے کریک ڈاؤن جاری ہیں۔
فیس بک کمینٹ