بیجنگ : نام ور ماہر تعلیم ڈاکٹر محمد شہباز کی ماحولیات سے متعلق تحقیق دنیا بھر میں معتبر حوالہ بن گئی ۔ عالمی تحقیق کی درجہ بندی کرنے والے ادارے ویب آف سائنس نے تازہ ترین درجہ بندی میں چین کی معروف یونیورسٹی بیجنگ انسٹیٹیوٹ آف ٹیکنالوجی کے شعبہ تدریس اور تحقیق سے وابستہ ڈاکٹر محمد شہباز کی تحقیق کو دنیا بھر میں معاشیات ،بزنس انجینئرنگ اور سوشل سائنس میں بطور حوالہ سب سے زیادہ استعمال ہونے والی تحقیق قرار دیا ہے ان کی تحقیق دنیا بھر میں سب تحقیق دانوں کے لئے نئے راستے کھولنے والی تحقیق مانا جا رہا ہے دنیا بھر میں ماحولیات پر کام کرنے والے محقق اور طلباوطالبات ان کے کام کو بنیاد بنا کر ماحولیاتی تحقیق میں ایک بڑا کردار ادا کر رہے ہیں ۔
درجہ بندی کرنے والےعالمی تحقیقی ادارے ویب آف سائنس کے مطابق پروفیسر ڈاکٹر محمد شہباز مسلسل دوسرے سال یہ اعزار حاصل کرنے والے پہلے پاکستانی ہیں آجکل پروفیسر ڈاکٹر محمد شہباز کیمبرج یونیورسٹی کےساتھ ساتھ معاشیات کے کئی صف اوّل کے جرائد میں بھی تحقیقی خدمات سرانجام دے رہے ہیں دنیا بھر کی طرح ماحولیات پر ان کی تحقیق چین میں بھی خاصی مقبول ہے۔
فیس بک کمینٹ