اسلام آباد پولیس کی جانب سے پاکستان تحریک انصاف (پی ٹی آئی) کے گرفتار رہنما فواد حسین چوہدری کو پولی گرافک ٹیسٹ کیلئے لے جانے والی پولیس وین گزشتہ کئی گھنٹوں سے لاپتہا ہے۔
فواد چوہدری کو فرانزک لیب لاہور پہنچایا گیا، جہاں ان کا پولی گرافی ٹیسٹ کیا جانا تھا۔ انہیں وہاں چند منٹ ہی رکھا گیا ، اس کے بعد پولیس انہیں واپس لے کر روانہ ہوگئی۔
ذرائع کا کہنا تھا کہ پولیس فواد چوہدری کو ان کی رہائش گاہ لے کر جا رہی ہے اور ان کے گھر کی تلاشی لئے جانے کا امکان ہے۔
تاہم کئی گھنٹے گزر جانے کے باوجود پولیس فواد چوہدری سمیت لاپتا ہے۔
سرچ آپریشن کے پیش نظر پی ٹی آئی کارکنان کی بڑی تعداد فواد چوہدری کے گھر پر جمع ہے۔
گرفتار پی ٹی آئی رہنما کی اہلیہ حبا چوہدری کا کہنا ہے کہ تلاشی کیلئے پولیس کو سرچ وارنٹ اور خواتین پولیس اہلکار لانے ہوں گے۔
( بشکریہ : آج ٹی وی )
فیس بک کمینٹ