نذر بلوچ کو ہم سے بچھڑے نو برس بیت گئے

ملتان : (اے پی پی):معروف صحافی ،ملتان پریس کلب کے سابق صدراور سرائیکی دانشور نذر بلوچ کی نویں برسی 21دسمبر کومنائی جارہی ہے۔
نذر بلوچ یکم جنوری 1961ءکو ملتان میں پیدا ہوئے۔انہوں نے ملتان میں طلبا سیاست میں بھی حصہ لیا۔وہ این ایس ایف اورسرائیکی لوک سانجھ کے سرگرم کارکن تھے۔80ءکے عشرے میں وہ صحافت سے منسلک ہوئے اورملتان کے کئی اخبارات میں رپورٹر کی حیثیت سے فرائض انجام دیئے۔روزنامہ خبریں اور روزنامہ جنگ نے ملتان سے اشاعت شروع کی تھی تو نذربلوچ نے دونوں اخبارات کے چیف رپورٹر کی حیثیت سے کام کیا۔روہی ٹی وی اور ہفت روزہ ہم شہری کے ساتھ بھی منسلک رہے۔انہو ں نے اپنے زندگی کے آخری برس اسلام آباد میں گزارے۔ وہیں 22دسمبر2013ءکوان کا انتقال ہوا۔انہیں ملتان میں سپردخاک کیاگیا۔