سرائیکی وسیب

ڈاکٹر ارشد سلیم بھٹی ، زکریا یونیورسٹی کے وائس چانسلر مقرر

ملتان :‌چانسلر اور گورنرپنجاب چوہدری محمد سرور کی طرف سے ڈاکٹر ارشد سلیم بھٹی کو بہاءالدین زکریایونیورسٹی ملتان کاوائس چانسلرمقررکردیاگیا ہے۔ہائرایجوکیشن ڈیپارٹمنٹ حکومت پنجاب کی طرف سے آج جاری ہونے والے نوٹیفکیشن کے مطابق کامسیٹ یونیورسٹی اسلام آباد کے ڈین فیکلٹی آف سائنس ڈاکٹر سلیم بھٹی کو زکریا یونیورسٹی کاوائس چانسلر مقررکرتے ہوئے آئندہ سات روز میں عہدے کاچارج سنبھالنے کی ہدایت کی گئی ہے۔بصورت دیگرمیرٹ پر دوسرے نمبر آنے والے امیدوار کو اس تعیناتی کا اہل سمجھا جائے گا۔



ڈاکٹر ارشدسلیم بھٹی نے پنجاب یونیورسٹی سے ایم ایس سی فزکس کی ڈگری حاصل کی۔ اس کے بعد وہ ایم فل اور پی ایچ ڈی کے لیے بیرون ملک چلے گئے۔ انہوں نے مائیکروالیکٹرانکس اور آپٹو الیکٹرانکس میں ایم فل اورپی ایچ ڈی کی۔انہوں نے ڈاکٹریٹ کے بعد یو نیورسٹی آف روم اٹلی تحقیقی کام کیا۔وہ امریکن یونیورسٹی کے ساتھ منسلک رہے،ان کی خدمات کے اعتراف میں2011ءمیں انہیں تمغہ امتیاز سے نوازاگیا۔سائنس کے شعبے میں انہیں میٹریل سائنس اورلوٹمپریچر فزکس میں بھی مہارت حاصل ہے۔

فیس بک کمینٹ
Tags

Adblock Detected

Please consider supporting us by disabling your ad blocker