اہم خبریں

نواز شریف ڈینگی کا شکار : تشویش ناک حالت میں ہسپتال منتقل

لاہور: سابق وزیر اعظم محمد نواز شریف کو حالت تشویش ناک ہونے پر جیل سے اسپتال منتقل کیا جارہا ہے۔وہ ڈینگی کا شکار ہو گئے ہیں ۔ایکسپریس نیوز کے مطابق سابق وزیراعظم نواز شریف کو طبیعت خراب ہونے پر نیب لاہور کی جانب سے میڈیکل چیک اپ کے لیے سروسز اسپتال منتقل کیا جا رہا ہے، نیب لاہور کی ٹیم انہیں چیک اپ کے لیے لے کر روانہ ہوچکی۔



نواز شریف کے ذاتی معالج ڈاکٹر عدنان نے کہا تھا کہ سابق وزیراعظم کی طبیعت ٹھیک نہیں اور انہیں تشویش ناک حد تک پلیٹ لیٹس کی کمی کا سامنا ہے جس کی وجہ سے ان کی صحت کو سنگین خطرات لاحق ہیں، انہیں فوری طور پر اسپتال منتقل کیا جانا چاہیے۔
پاکستان مسلم لیگ (ن) کے قائد نواز شریف صحت کے شدید مسائل کا شکار ہوگئے جس کے بعد انہیں علاج کیلئے فوری طور پر اسپتال منتقل کرنے کی سفارش کی گئی ہے۔



نواز شریف کے ذاتی معالج ڈاکٹر عدنان نے کوٹ لکھپت جیل میں نواز شریف سے ملاقات کے بعد بتایا کہ نواز شریف کے پلیٹیلیٹس کی تعداد صرف 16 ہزار رہ گئی ہے۔ذرائع کا کہنا ہے کہ ڈاکٹرز کی سفارش پر اب نواز شریف کو اسپتال منتقل کیا جا رہا ہے۔اس حوالےسے مسلم لیگ ن کے صدر شہباز شریف کا کہنا ہے کہ خطرناک علامات کے باوجود نوازشریف کو اسپتال منتقل نہ کرنا بدترین انتقام ہے۔

انہوں نے کہا کہ نواز شریف کی سرکاری طبی رپورٹس میں سنگین خطرات کی واضح نشاندہی کی گئی ہے، نواز شریف کواسپتال منتقل نہ کرنا حکومتی بے حسی اور بدترین سیاسی انتقام پرمبنی پالیسی ہے، نوازشریف کی جان سے کھیلا جارہا ہے۔



شہباز شریف نے مزید کہا کہ خدانخواستہ نواز شریف کو کچھ ہوا تو عمران خان کو قاتل ٹھہرائیں گے، عوام کے حق کیلئے لڑنے والے قائد کی خاطر ہر خطرے سے ٹکرا جائیں گے، جیل مینوئل پر عمل نہ کرکے کم ظرف حکمران لاقانونیت کے مرتکب ہو رہے ہیں۔



انہوں نے کہا کہ یہ اقدامات واضح ثبوت ہیں کہ نوازشریف کو سیاسی انتقام کا نشانہ بنایا جارہا ہے، ‎یہ اقدامات ثبوت ہیں کہ عمران خان کے حکم پر نوازشریف کو اسپتال نہیں لے جایا جارہا، عقل سے عاری اور تکبر سے بھرے حکمران اپنی حماقتوں سے ملک میں خانہ جنگی کرانے پر تلے ہیں۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker