اہم خبریں

پی ایس ایل 3 : کراچی کنگز ہار گئے ، پشاور زلمی فائنل میں

لاہور : پاکستان سپر لیگ سیزن تھری کے دوسرے ایلیمی نیٹر میں کامران اکمل کی ریکارڈ ساز اننگز کی بدولت پشاور زلمی نے کراچی کنگز کو13رنز سے شکست دے کر فائنل کے لئے کوالیفائی کرلیا، فائنل میں پشاور کا مقابلہ اسلام آباد سے ہوگا۔ایونٹ کا فائنل 25 مارچ کو کراچی کے نیشنل اسٹیڈیم میں کھیلا جائے گا۔کامران اکمل کو دھواں دار اننگز پر مین آف دی میچ قرار دیا گیا۔بارش سے متاثرہ میچ 16، 16 اوورز تک محدود کردیا گیا تھا،پشاور زلمی نے پہلے بیٹنگ 170رنز بنائے، جواب میں کراچی کنگز کی ٹیم دو وکٹوں کے نقصان پر 157رنز بناسکی۔نسبتاً مشکل ہدف کے تعاقب میں کراچی کنگز کی اننگز کا آغاز اچھا نہ رہا اور صرف 13رنز پر اوپنر مختار احمد صرف ایک رن بناکر سمین گل کی گیند پر سیمی کے ہاتھوں کیچ آؤٹ ہوگئے۔اس کے بعد بابر اعظم اور ڈینلی نے ذمہ دارانہ بیٹنگ کرتے ہوئے 12 اوور میں اسکور 110رنز تک پہنچادیا، بابر اعظم نے اپنی نصف سنچری مکمل کی اور اسکور 130 رنز تک پہنچادیا، اس موقع پر بابر اعظم 45 گیندوں پر 63 رنز کی اننگز کھیل کر حسن علی کا شکار ہوگئے۔اس سے قبل کامران اکمل کی تیز ترین نصف سنچری کی بدولت پشاور زلمی نے کراچی کنگز کے پہلے بیٹنگ کرتے ہوئے مقررہ 16اوورز میں 7 وکٹوں کے نقصان پر171رنز بنائے تھے ، کامران اکمل نے صرف 27گیندوں پر 77 رنز بنائے۔اوپنرز کامران اکمل اور فلیچر نے دھواں دار بیٹنگ کرتے ہوئے 107 رنز کا شاندار آغاز فراہم کیا۔ کامران اکمل نے طوفانی بیٹنگ کرتے ہوئے عثمان خان شنواری کے ایک اوور میں 2 چھکوں اور تین چوکوں کی مدد سے 25رنز بنائے۔کامران اکمل نے صرف 17 گیندوں پر پانچ چھکوں اور پانچ چوکوں کی مدد سے 54 رنز اسکور کیے، جو پی ایس ایل کی تاریخ کی تیزترین نصف سنچری ہے۔
اس سے قبل اسلام آباد یونائیٹڈ کے لیوک رونکی نے 19گیندوں پر تیز ترین نصف سنچری بنائی تھی۔پشاور کو پہلا نقصان اس وقت اٹھانا پڑا جب فلیچر 34 رنز کی اننگز کھیل کر بوپارا کی گیند پر ڈینلی کے ہاتھوں کیچ آؤٹ ہوگئے۔کامران اکمل صرف 27 گیندوں پر برق رفتار 77 رنز بناکر آؤٹ ہوئے، ان کی اننگز میں 8 چھکے اور 5 چوکے شامل تھے۔محمد حفیظ زیادہ دیر وکٹ پر نہ ٹھہر سکے اور 13 رنز بناکر بوپارا کی گیند پر انہی کے ہاتھوں کیچ آؤٹ ہوگئے۔ڈاؤسن نے 13رنز کی اننگز کھیلی۔ کپتان سیمی نے بھی بھرپور اننگز کھیلی اور 12 گیندوں پر 23رنز بنائے، جس میں دو چھکے اور ایک چوکا شامل ہے۔سعد نسیم صرف رنز بناکر رن آؤٹ ہوئے، اگلی ہی گیند پر وہاب ریاض باؤنڈری لائن پر کیچ آؤٹ ہوگئے۔اس طرح پشاور زلمی کی ٹیم نے مقررہ 16 اوورز میں 7 وکٹوں کے نقصان پر 170 رنز بنالئے۔کراچی کنگز کی جانب سے بوپارا نے تین، تائمل ملز نے دو اور عثمان خان نے ایک وکٹ حاصل کی۔

​​

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker