ملتان (اے پی پی):ملتان میں مقیم پاکستان سپر لیگ (پی ایس ایل )کی دوٹیمیں ملتان سلطانزاورکراچی کنگزجمعرات کوبذ ریعہ طیارہ کراچی روانہ ہوگئیں۔جس کے بعد ملتان سیکورٹی حصار سے باہرآگیا اور ٹریفک کی طویل قطاریں ختم ہو گئیں ۔
ملتان میں پی ایس ایل کے8و یں سیزن کے آغاز کے بعد سے سیکورٹی کے سخت انتظامات کئے گئے تھے اورمیچ کھیلنے کے لئے آنے والی ٹیموں کو چوک نواں شہر میں واقع دوہوٹلوں میں ٹھہرایاگیاتھا۔ٹیموں کی آمد کے بعد ان ہوٹلوں کے باہر رکاوٹیں کھڑی کرکے ان سڑکوں کو ٹریفک کےلئے بند کردیاگیاتھا۔ٹیموں کی سٹیڈیم آمد ورفت کے موقع پربھی شہرکی مختلف سڑکیں بند کردی جاتی تھیں جس کے بعد ٹریفک کی لمبی قطاریں لگ جاتی تھیں۔ملتان سلطا نزاورکراچی کنگزکی ٹیمیں اب باقی میچ کراچی ،لاہور،پشاور اورکوئٹہ میں کھیلیں گی۔
فیس بک کمینٹ