رمضان کا چاند مبارک ہو :کل پہلا روزہ ہو گا : شہادتیں ملنا شروع ہو گئیں

پشاور : رمضان المبارک 1447 ہجری کا چاند نظر آ گیا ہے ۔ کل 19 فروری کو پہلا روزہ ہو گا ۔۔ ایکسپریس نیوز کے مطابق دیکھنے کےلیے رویت ہلال کمیٹی کا مرکزی اجلاس پشاور میں جاری ہے، جس میں شہادتیں موصول ہونا شروع ہوگئیں ہیں۔
تفصیلات کے مطابق مرکزی رویت ہلال کمیٹی کا مرکزی اجلاس مولانا عبدالخبیر آزاد کی زیر صدارت پشاور میں ہورہا ہے۔
اس کے علاوہ کراچی، کوئٹہ، اسلام آباد، راولپنڈی، لاہور سمیت دیگر علاقوں میں بھی زونل کمیٹیوں کے اجلاس جاری ہیں، جہاں سے چاند کی رویت سے متعلق شہادتیں جمع کر کے مرکزی کمیٹی کو بھیجی جائیں گی۔
مرکزی رویت ہلال کمیٹی کو خیبرپختونخوا کے دارالحکومت پشاور، مردان، صوابی، چارسدہ نوشہرہ اور اسلام آباد سے چاند دیکھنے کی شہادتیں موصول ہوئیں۔ اس کے علاوہ زونل کمیٹی کو بھی 6 شہادتیں موصول ہوئیں۔
چاند نظر آنے یا نہ آنے کا حتمی اعلان چیئرمین مرکزی رویت ہلال کمیٹی مولانا عبدالخبیر کریں گے۔
ماہرین فلکیات نے آج چاند نظر آنے کا قوی امکان ظاہر کیا ہے جبکہ ملک کے بیشتر حصوں میں مطلع بالکل صاف ہے۔
قبل ازیں رویت ہلال کمیٹی کے چیئرمین مولانا عبد الخبیر آزاد نے پشاور میں پریس کانفرنس کرتے ہوئے کہا کہ آج رویت ہلال کمیٹی پاکستان کا اجلاس پشاور میں ہو رہا ہے اور رمضان المبارک کا چاند آج پشاور میں دیکھا جائے گا، پورے ملک میں روزہ ایک ساتھ ہوگا۔
( بشکریہ : روزنامہ ایکسپریس )