الیکشن پر سنجیدہ اور بامعنی بات چیت کیلئے تیار ہیں: اسد عمر

تحریک انصاف کے رہنما اسد عمر کا کہنا ہےکہ ہم الیکشن پر سنجیدہ اور بامعنی بات چیت کے لیے تیار ہیں۔
ایک بیان میں اسد عمر نےکہا کہ امید ہے تمام ریاستی ادارے آئین پرعمل درآمدکے لیےکردار ادا کریں گے، بحران کا حل الیکشن ہے، ان کے پاس کوئی اور تجویز بھی ہے تو بتا دیں۔
حکومت کسی قانون میں ترمیم چاہتی ہے تو بیٹھ کربات کرنےکو تیار ہیں: فواد چوہدری
اسد عمر نے یہ بھی کہا کہ ہم الیکشن پرسنجیدہ اور بامعنی بات چیت کےلیے تیار ہیں۔
دوسری جانب فواد چوہدری نے کہا کہ عدلیہ اور اسٹیبلشمنٹ کو تقسیم کرنےکی باتیں نہیں ہونی چاہئیں، الیکشن کمیشن سےکہیں گے نگران حکومت کے لیے سپریم کورٹ سے توسیع لیں یا پنجاب میں نیا وزیراعلیٰ وکابینہ بنائیں۔
فواد چوہدری کا کہنا تھا کہ ریفرنس ڈرافٹ کررہے ہیں جو الیکشن کمیشن کو بھیج دیں گے۔
(بشکریہ:جیو نیوز)