اسلام آباد:گورنر پنجاب کے انکار کے بعد اسلام آباد میں ایوان صدر میں رات دو بجے صدر عارف علوی نے پرویز الہی سے وزیر اعلیٰ پنجاب کے عہدے کا حلف لیا ہے۔
روایت کے برعکس اس تقریب حلف برداری کو براہ راست سرکاری چینل پی ٹی وی پر نشر نہ کیا گیا۔ تحریک انصاف نے اسے ’شرمناک روایہ‘ قرار دیا ہے۔
پرویز الٰہی نے دو بجے شب حلف اٹھایا : پی ٹی وی نے ٹیلی کاسٹ نہیں کیا؎
دریں اثناء سابق وزیر اطلاعات اور رہنما تحریک انصاف فواد چوہدری نے سرکاری چینل پی ٹی وی کی انتظامیہ کو متنبہ کیا ہے کہ پرویز الہی کی تقریب حلف برداری براہ راست نشر نہ کرنے پر ان کے خلاف کارروائی کی جائے گی۔
انھوں نے منگل کی شب اسلام آباد میں صحافیوں سے گفتگو کرتے ہوئے کہا کہ ’یہ صرف 15 دن ہیں، ہم اس حرکت کو معاف نہیں کریں گے۔‘
’پی ٹی وی اور وزارت اطلاعات نے بدمعاشی کی ہے۔ (وزیر اطلاعات) مریم اورنگزیب خود جیل جا رہی ہیں۔ آپ بھی جیل جانا چاہتے ہیں تو آپ کی مرضی ہے۔‘
ان کا کہنا تھا کہ ’اس حرکت کو آسانی سے نہیں لیا جائے گا۔ پی ٹی وی پر نہ دکھانے سے فرق نہیں پڑتا مگر کچھ ریاستی ذمہ داریاں ہوتی ہیں۔ اگلے مہینے یہ لوگ ان عہدوں پر نہیں ہوں گے۔‘
فیس بک کمینٹ