پنڈدادنخان۔ ( نمائندہ گرد وپیش ) بار ایسوسی ایشن پنڈدادن خان سال 2023_24 کے الیکشن میں ایک دن باقی رہ گیا ۔ راجہ لاء چیمبر کے چیف صدارتی امیدوار راجہ ضمیر احمد بشیر ایڈووکیٹ ہائی کورٹ اپنی سابقہ کارگردگی اور اپنے گروپ کی شبانہ روز کاوشوں کی وجہ سے فیورٹ دکھائی دیتے ہیں ۔
انھوں نے جمعرات 12 جنوری کو شو آف پاور کیلۓ پوری بار کے وکلاء کو دوپہر کے وقت بار روم میں کھانے پر مدعو کیا اس دوران سابق ممبر پنجاب اسمبلی چوہدری نذر گوندل کے حمایت یافتہ گروپ کے لیڈر ایڈووکیٹ اصغر خان بلوچ جو راجہ ضمیر احمد بشیر ایڈووکیٹ کے خلاف صدارتی امیدوار ہیں کے پینل سے جنرل سیکرٹری کی سیٹ کیلۓ اپنے مد مقابل کے خلاف الیکشن میں حصہ لینے والے ایڈووکیٹ صاحبزادہ شوکت حیات نے بھی ڈائیس پر آکر جمعہ کے روز حیات ہوٹل میں کھانے پر تمام وکلاء برادری کو مدعو کر لیا تاہم تجزیہ نگار اپنی محتاط راۓ کے مطابق راجہ ضمیر احمد بشیر ایڈووکیٹ کی تیسری بار کامیابی کو یقینی قرار دے رہے ہیں واضح رہے کہ راجہ ظہیر احمد بشیر ایڈووکیٹ اپنے بھائی راجہ ضمیر احمد بشیر کے حق میں ووٹ کاسٹ کرنے اورانکی الیکشن مہم کو کامیابی کے آخر مراحل تک پہنچانے کیلۓ دیار غیر سے خصوصی طور پر پاکستان پہنچے ہیں ۔ ہفتہ 14 جنوری 2023 کو بار ایسوسی ایشن پنڈدادن خان کی صدارت کیلۓ میدان سجے گا
فیس بک کمینٹ