ملتان(نمائندہ گردو پیش )ایف آئی اے سائبر کرائم کی ٹیم نے لیڈی ڈاکٹر بن کر خواتین کی فحش ویڈیو بنانے والے ملزم کو کہروڑ پکا سے گرفتار کر کے درجنوں ویڈیوز برآمد کر لی ہیں۔
ایف آئی اے سائبر کرائم ملتان ٹیم کو اطلاع ملی کہ مسہ کہروڑ پکا کا رہائشی محمد اقبال ولد اصغر علی بریسٹ کینسر کے مرض میں مبتلا خواتین کا علاج کرنے کے لیے لیڈی ڈاکٹر بنا ہوا ہے اور مرض میں مبتلا جو خواتین مذکورہ ملزم سے رابطہ کرتی تھیں انہیں وہ علاج کے لیے واٹس ایپ پر بریسٹ دکھانے کو کہتا تھا اور اسی دوران ان کی ویڈیوز بنا لیتا تھا بعد ازاں وہ انہیں سنگین نتائج کی دھمکیاں دیتے ہوئے اپنی خواہشات پوری کرنے کے لئے بلیک میل کرتا تھا۔
ایف آئی اے سائبر کرائم ملتان کی ٹیم نے چھاپہ مار کر ملزم محمد اقبال ولد اصغر علی کو گرفتار کر کے تفتیش کے لئے تھانہ منتقل کردیا ہے جبکہ ذرائع کا کہنا ہے ایف آئی اے ٹیم نے گرفتار ملزم کے قبضہ سے درجنوں خواتین کی فحش ویڈیوز بھی برآمد کرلی ہیں اور مزید ویڈیوز کی برآمد گی بھی متوقع ہے ۔
فیس بک کمینٹ