گوجرہ میں مسافر وین اور منی ٹرک میں تصادم کے نتیجے میں آگ لگ گئی جس کے باعث 7 مسافر جھلس کر جاں بحق اور 15 زخمی ہوگئے۔
ریسکیو ذرائع کے مطابق تصادم حادثہ گوجرہ کے علاقے دھرم کوٹ اسٹاپ پینسرہ روڈ کے قریب پیش آیا، مسافر وین سمندری سے فیصل آباد جا رہی تھی۔
ریسکیو ذرائع کے مطابق حادثے میں 7 مسافر جھلس کر جاں بحق ہوئے جب کہ 15 افراد زخمی ہوئے۔
ریسکیو ذرائع کا کہنا ہےکہ وین میں 25 مسافر سوار تھے،لاشوں اور زخمیوں کو اسپتال منتقل کردیا گیا ہے، 2 لاشوں کی شناخت کرلی گئی ہے جب کہ 5 لاشیں ناقابل شناخت ہیں۔
(بشکریہ: جیو نیوز)
فیس بک کمینٹ