انقرہ:منگل کی شام کو ترک صدر طیب اردگان مقامی ٹیلی ویژن چینلز کے ساتھ براہ راست انٹرویو دے رہے تھےکہ اچانک ان کی طبیعت خراب ہوگئی جس کی وجہ سے انٹرویو روک دیا گیا۔
براہ راست نشریات میں طویل وقفے کے بعد ترک صدر واپس آن ائیر آئے اور کہا کہ "آج مہم میں بہت کام تھا، اس لیے مجھے گیسٹرائٹس ہو گیا، میں نے پروگرام منسوخ کرنے کا بھی سوچا۔ لیکن ہم واپس آ گئے ہیں۔ میں آپ سے اور اپنے ناظرین سے معذرت خواہ ہوں۔”
تاہم ، اس طویل وقفے نے ناظرین کو تشویش اور تذبذب میں مبتلا کر دیا، سوشل میڈیا پر بڑھتی ہوئی قیاس آرائیوں کے درمیان لوگ حیران تھے اور جاننا چاہتے تھے کہ ترک صدر کے ساتھ کیا ہوا ۔
اس دوران ترک صدارتی انتخابات میں حزب اختلاف کے واحد امیدوار کمال کلیچ دار اوغلو نے بھی صدر رجب طیب ایردوآن کی جلد صحت یابی کی دعا کی۔صدارتی ترجمان ابراہیم قالن نے اپنے آفیشل ٹویٹر پیج پر بھی لکھا ہے کہ "ہمارے صدر، خدا کا شکر ہے، خیریت سے ہیں۔”ترک صدر رجب طیب اردگان نے 14 مئی کو ہونے والے صدارتی اور پارلیمانی انتخابات سے چند ہفتے پہلے ہی طبیعت خراب ہونے پر اپنی انتخابی ریلیاں منسوخ کر دیں۔خبررساں ایجنسی روئٹرز کے مطابق سماجی رابطے کی ویب سائٹ پر جاری بیان میں ترک صدر کا کہنا تھا کہ وہ طبی ماہرین کے مشورے کے بعد ہی گھر پر آرام کریں گے۔
بعد ازاں پارٹی کے نائب سربراہ ایرکان کندیمیر نے کہا کہ ترک صدر جمعرات کو ویڈیو لنک کے ذریعے جنوبی صوبہ مرسین میں اکیویو نیوکلیئر پاور پلانٹ میں ایک تقریب میں شرکت کریں گے۔منگل کے روز ترک صدر نے ایک ٹی وی انٹرویو میں بتایا کہ وہ اپنے پیٹ میں کی خراب ہونے کی وجہ سے صحت میں بہتری محسوس نہیں کررہے ہیں۔
طبیب اردگان کی طبیعت کی خرابی کے بعد سوشل میڈیا پر کئی افواہوں نے جنم لیا ،کئی ٹویٹر صارفین قیاس آرائیاں کررہے ہیں کہ اردگان کو زہر دیا گیا ہے ۔کئی صارفین نے یہ بھی کہا ہے کہ اس بات کی تحقیقات بھی ہورہی ہیں کہ آیا روسی اہلکار سے ملاقات میں تو اردگان کو زہر نہیں دی گئی؟تاہم یہ صرف قیاس آرئیاں ہی ہیں کوئی حتمی رپورٹ اس حوالے سے سامنے نہیں آئی ۔
(بشکریہ:پی این این )
فیس بک کمینٹ