لاہور: پاکستان تحریک انصاف کی رہنما یاسمین راشد کو سروسز اسپتال سے پولیس لائن اسپتال منتقل کردیا گیا۔
یاسمین راشد کو گرفتاری کے بعد طبیعت خراب ہونے پر سروسز اسپتال منتقل کیا گیا تھا۔
گزشتہ روز سروسز اسپتال لاہور کے ڈاکٹروں نے پی ٹی آئی کی رہنما کو پولیس کے حوالے کرنے سے انکار کر دیا تھا۔
ڈاکٹروں کا کہنا تھا کہ یاسمین راشد کو سانس لینے میں دشواری کے باعث بائی پائپ لگا ہوا ہے، ان کے چیسٹ، ناک اور گلے کے سی ٹی اسکینز کرا لیے گئے ہیں، وہ دمہ کی مریضہ ہیں اور انہیں چیسٹ انفیکشن بھی ہے۔
واضح رہے کہ آج سیشن کورٹ سے یاسمین راشد کا راہداری ریمانڈ لیے جانے کا امکان ہے۔
(بشکریہ: جیو نیوز)
فیس بک کمینٹ