ملتان۔تھانہ بستی ملوک کی حدود چک نمبر 19 ایم میں مقامی زمیندار ملک محمد شفیع مہے کے جانوروں کودشمنی کی بنیاد پر زہر دے دیاگیا جس کے نتیجے میں بھینسوں اورگائے سمیت آٹھ جانور ہلاک ہوگئے۔ اہل علاقہ کے مطابق جانوروں میں تین بھینسیں ، دوگائے اور تین بچھڑے شامل ہیں۔ اس واقعہ کی اطلاع ملتے ہی محکمہ لائیوسٹاک کاعملہ موقع پرپہنچ گیا ۔ گھاس اورگوشت کے نمونے حاصل کرلیے گئے۔ اس واقعہ کی اطلاع ملتے ہی علاقے کے لوگ بھی بڑی تعداد میں جمع ہوگئے۔
مقامی صحافی مظہر مہے نے اے پی پی کوبتایا کہ پولیس تھانہ بستی ملوک کو اس واقعہ سے آگاہ کیاگیا ہے لیکن پولیس کی جانب سے ابھی تک کوئی مقدمہ درج نہیں کیاگیا۔انہوں نے کہا کہ اس پہلے بھی علاقے میں ایسی وارداتیں ہوچکی ہیں جن کے خلاف اہل علاقہ نے احتجاجی مظاہرہ بھی کیاتھا۔انہوں نے کہا کہ خاندانی اختلافات کے ساتھ ساتھ سیاسی دشمنیاںبھی ایسے واقعات کامحرک ہیں۔
فیس بک کمینٹ