ملتان :نامور دستکار اور بلیو پاٹری کو دنیا بھر میں متعارف کروانے والے ظروف ساز استاد عالم کو ہم سے بچھڑے 6برس بیت گئے۔استاد عالم 1947ءمیں جالندھر میں پیدا ہوئے۔ہجرت کرکے یہ خاندان ملتان آیا۔ان کے والد عمردین بھی برتن سازی سے وابستہ تھے۔
استاد عالم بھی بچپن سے ہی اس فن کے ساتھ وابستہ ہوگئے۔استاد عالم نے برتنوں میں نیلے رنگ کے استعمال کو متعارف کروایا اور ان برتنوں کو ملتان کی پہچان بنایا۔1985ءمیں انہوں نے ملتان میں بلیو پاٹری انسٹی ٹیوٹ قائم کیا۔ وہ17سال تک اس ادارے سے منسلک رہے اور 2002ءمیں استاد عالم انسٹی ٹیوٹ آف بلیو پاٹری کے نام سے اپنا ادارہ قائم کرلی۔ان کی خدمات کے اعتراف میں حکومت پاکستان کی جانب سے انہیں صدارتی ایوارڈ سے بھی نوازاگیا۔13فروری2018ءکو یہ عظیم دستکار اس دنیا سے رخصت ہوگئے۔
فیس بک کمینٹ