ملتان ۔۔۔ گردوپیش نیوز ۔۔ مسلم لیگ ن کے سینئر رہنما اور وزیر اعلیٰ پنجاب کے سابق مشیر راؤ انیس الرحمان جمعہ بیس مارچ کو طویل علالت کے بعد ملتان میں انتقال کر گئے ۔ ان کی عمر 62 سال تھی اور وہ طویل عرصہ سے گردوں کے عارضے کا شکار تھے ۔ان کی نماز جنازہ آج بعد نماز جمعہ جلال مسجد گلگشت کالونی ملتان میں ادا کی جائے گی ۔
راؤ انیس الرحمان کا آبائی شہر روہتک حصار تھا ۔ وہ بیس دسمبر 1964 کو پیدا ہوئے ۔ گورنمنٹ کمپری ہنسو سکول ملتان سے میٹرک کے بعد گریجویشن کی اور پھر کاروبار سے منسلک ہو گئے ۔
راؤا نیس الرحمن کا تعلق مسلم لیگ نون کے سرگرم کارکنوں میں ہوتا ۔۔ وہ عمر بھر اسی جماعت کے ساتھ وابستہ رہے ۔ وہ نواز شریف اور شہباز شریف کے بااعتماد کارکنوں میں شمار ہوتے تھے ۔ انہوں نے ملتان ہی نہیں پورے جنوبی پنجاب میں پارٹی کو منظم کیا۔ وزیراعلی شہباز شریف کے مشیر کی حیثیت سے بھی انہوں نے بہت سی خدمات انجام دیں اور اپنے علاقے کے لیے متعدد ترقیاتی منصوبے منظور کروائے۔۔ راؤ انیس الرحمن صحافت کے ساتھ بھی وابستہ رہے وہ ملتان میں وسیب ٹی وی کے لیے روڈ شو کرتے تھے اور اپنے پروگرام کے ذریعے عوامی مسائل اجاگر کرتے تھے ۔