ملتان : پریس کلب کے سابق صدر ، اے پی پی اردو سروس ملتان کے پہلے انچارج سینئر صحافی غضنفر شاہی کو ہم سے بچھڑےچار برس بیت گئے۔ غضنفرعلی شاہی نومبر1947میں لائل پور(فیصل آباد)میں پیداہوئے۔
انہوں نے ابتدائی تعلیم فیصل آباد اورڈیرہ غازی خان سے حاصل کی۔انٹرمیڈیٹ کے بعدوہ لاہورچلے گئے اورپنجاب یونیورسٹی سے ماسٹرز کے بعدصحافت کے ساتھ وابستہ ہوگئے۔ 1984 سے 2012تک انہوں نے روزنامہ نوائے وقت، روزنامہ ایکسپریس ،روزنامہ پاکستان اور اے پی پی ملتان میں اہم عہدوں پر فرائض انجام دیئے۔غضنفرشاہی نے مسلسل پانچ مرتبہ ملتان پریس کلب کاصدرمنتخب ہونے کا اعزاز حاصل کیا۔وہ 25مارچ2022ءکو کینسر کے باعث انتقال کرگئے تھے۔
زندگی کے مختلف شعبوں سے تعلق رکھنے والے افراد نے ان کی برسی کے موقع پر ان کی خدمات کو خراجِ عقیدت پیش کیا ہے اور کہا ہے شاہی صاحب بلا شبہ ملتان کی صحافت کا اثاثہ تھے ۔ انہوں نے حق گوئی کو اپنا شعار رکھا اور پریس کلب کے صدر کی حیثیت سے کارکن صحافیوں کی فلاح و بہبود کے لیے گراں قدر خدمات سر انجام دیں