عامر خان کا ’معشوقہ‘ سے بیٹے کی پیدائش کا انکشاف

ممبئی : بھارتی معروف اداکار عامر خان اپنی شادیوں اور لو افئیر کی وجہ سے سرخیوں میں رہتے ہیں، لیکن کیا آپ کو یہ معلوم ہے کہ وہ چند سال پہلے اپنے ایک بیٹے کو قبول کرنے سے انکاری ہوگئے تھے۔
2005 میں ’اسٹارڈسٹ‘ نامی میگزین میں یہ انکشاف کیا گیا تھا کہ عامر خان خفیہ طور پر ایک برطانوی خاتون جرنلسٹ ’جیسیکا ہائنز‘ کی محبت میں گرفتار ہوگئے تھے، دونوں کے تعلقات اس نہج پر پہنچے کہ جیسیکا ہائنز نے اس دوران ایک بیٹے کو بھی جنم دیا جس سے متعلق یہ کہا گیا کہ یہ عامرخان کا بیٹا ہے۔
رپورٹ کے مطابق عامر خان برطانوی جرنلسٹ سے 1998 میں اپنی فلم ’غلام‘ کی شوٹ کے دوران ملے اور دونوں ایک دوسرے کی محبت میں گرفتار ہوئے۔
عامر خان اور جیسیکا کے متعلق یہ خبر سامنے آئی تھی کہ وہ دونوں کچھ عرصے تک ’لیونگ ریلیشنشپ‘ میں رہے، لیکن جب اس جوڑے کو معلوم ہوا کہ انکے ہاں بچے کی پیدائش ہونے والی ہے تو عامر خان نے اس بچے قبول کرنے سے انکار کرتے ہوئے اسے ختم کروانے کا مشورہ دیا۔
رپورٹ میں بتایا گیا کہ جیسیکا نے اداکار کی یہ بات ماننے سے انکار کردیا اور اس بچے کو خود اپنے بل بوتے پر پالنے کا فیصلہ لیا۔
اس خبر کے منظر پر آنے کے بعد جیسیکا نے میگزین پر کیس کردیا تھا جس کے ردِ عمل میں آرٹیکل کے مصنف نے عامر کو چیلنج کیا تھا کہ وہ اپنا ڈی این اے ٹیسٹ کروا کر اس بات کی تصدیق کردیں۔اجیسیکا کا بیٹے جان ابھی ان ہی کے پاس رہتا ہے ، سال 2012 میں جان کی ’ووگ‘ میگزین میں تصاویر بھی شائع ہوئی تھیں جس میں وہ بے حد خوبصورت دکھ رہے تھے۔
اگر عامر خان کی دیگر شادیوں کی بات کی جائے تو انہوں نے پہلی شادی 18 اپریل 1986 میں رینا دتا سے کی تھی جن سے اداکار نے 2002 میں علیحدگی اختیار کرلی تھی، اس کے بعد عامر خان 28 دسمبر 2005 میں کرن راؤ سے شادی کے بندھن میں بندھے اور یہ شادی بھی 2021 میں طلاق پر ختم ہوئی۔
ان دنوں عامر اور فلم دنگل کی اداکارہ فاطمہ ثناء شیخ کے معاشقے کے چرچے زبان زد عام ہیں،واضح رہے کہ عامر خان کے رینا دتا سے ایک بیٹی ایرا خان اور بیٹا جنیدخان ہیں جبکہ کرن راؤ سے بیٹے آزاد راؤ خان پیدا ہوئے۔
( بشکریہ : حلیم نیوز )