اسلام آباد: ایشیائی ترقیاتی بینک(اے ڈی بی) نے پنجاب میں تکنیکی اور پیشہ ورانہ تعلیم اور تربیت (ٹی وی ای ٹی) کو بہتر بنانے میں مدد کے لئے دس کروڑ ڈالر مالیت کے قرضے کی منظوری دیدی ہے۔ قرضہ پنجاب میں ٹیکنیکل اینڈ وکیشنل ایجوکیشن میں بہتری کیلئے استعمال ہوگا۔ایشیائی ترقیاتی بینک کی طرف سے جاری کردہ اعلامیہ میں بتایا گیا ہے کہ اے ڈی بی پنجاب میں تکنیکی اور پیشہ ورانہ تعلیم و تربیت (TVET) کو بہتر بنانے میں مدد کے لئے دس کروڑ ڈالر کے قرض کی منظوری دی ہے اور اس بات کو یقینی بنایا ہے کہ ہنر کی تربیت ملک کی ترجیحی اقتصادیات میں ملازمتوں کی مانگ کو پورا کرے ۔
اعلامیے کے مطابق پنجاب میں افرادی قوت کی تیاری کو بہتر بنانے کا پروجیکٹ ٹی وی ای ٹی کے معیار اور مطابقت کو بڑھانے میں مدد کرے گا تاکہ گریجویٹس کی ملازمت میں اضافہ ہو، ورکرز کی مہارتوں کو بڑھایا جا سکے، خواتین اور پسماندہ گروپوں کے لئے تربیت تک زیادہ مساوی رسائی کو یقینی بنایا جا سکے، اور اداروں میں انتظامی اور سٹریٹجک منصوبہ بندی کو بہتر بنایا جا سکے۔
اس حوالے سے وسطی اور مغربی ایشیا کے لیے ایشیائی ترقیاتی بینک کے ڈائریکٹر جنرل یوگینی ڑوکوف نے کہا کہ پنجاب قومی آمدنی کا نصف سے زیادہ حصہ بناتا ہے اور توقع ہے کہ پاکستان کی سیلاب کے بعد بحالی میں اہم کردار ادا کرے گا۔
انہوں نے کہا کہ ایشیائی ترقیاتی بینک کا منصوبہ معاش کو فروغ دینے اور صنعتوں کو سپورٹ کرنے کے لئے ڈیمانڈ پر مبنی اور جنس پر مبنی تربیت کو فنڈ فراہم کرے گا جو پاکستان کی بحالی اور مستقبل کی ترقی کی کلید ہیں، ایشیائی ترقیاتی بینک کا منصوبہ آٹھ ترجیحی اقتصادی شعبوں میں 19 TVET سینٹرز آف ایکسیلنس کے قیام کے لیے مالی اعانت فراہم کرے گا۔
اعلامیے کے مطابق آٹوموبائل اسمبلی کے پرزہ جات اور مرمت، تعمیرات، فوڈ پروسیسنگ، صحت، انفارمیشن اینڈ کمیونیکیشن ٹیکنالوجی، لائٹ انجینئرنگ، ٹیکسٹائل اور گارمنٹس، اور سیاحت اور مہمان نوازی کی صنعتوں میں افرادی قوت کیلئے پروگرام بھی فراہم کیا جائے گا۔
اس منصوبے میں چوتھے صنعتی انقلاب میں ابھرتے ہوئے رجحانات کے جواب میں ٹیکنالوجی کا استعمال کرتے ہوئے ہنر مندی کے تربیتی پروگراموں کی ترقی شامل ہوگی موسمیاتی تبدیلیوں کے حوالے سے پاکستان کے اعلیٰ خطرے کے پیش نظر، قدرتی آفات سے نمٹنے کے لیے ٹی وی ای ٹی سینٹرز کے ڈیزائن میں ڈیزاسٹر ریزیلنس کو شامل کیا جائے گا جبکہ آفات سے نمٹنے کے لئے تیاری کرنے اور ان سے نمٹنے کے لیے تربیت فراہم کی جائے گی۔
ایشیائی ترقیاتی بینک کے ڈائریکٹر برائے سماجی شعبوں ری ہیراوکا نے کہا کہ تعمیرات اور زراعت جیسے اہم شعبوں میں بہتر صلاحیتوں کے حامل کارکن حفاظت کے مضبوط معیارات کو نافذ کرنے، بہتر تعمیر کرنے اور ملک کو مستقبل کے قدرتی خطرات سے نمٹنے میں مدد کرنے کے لیے ضروری ہوں گے ایشیائی ترقیاتی بینک کا پروگرام خواتین کی مدد کرنے کی کوشش کرتا ہے اور پسماندہ گروہوں کو ترجیح دے گا تاکہ ان کے معیاری ملازمتیں تلاش کرنے اور ان کی آمدنی کو بڑھانے کے مواقع کو بہتر بنایا جا سکے اس منصوبے میں جاپان فنڈ برائے خوشحال اور لچکدار ایشیاور بحرالکاہل سے 2 ملین ڈالر کی تکنیکی معاونت کی گرانٹ شامل ہے، جو پنجاب میں ٹیوٹا( TVET )کے ادارہ جاتی فریم ورک اور حکمت عملی کو مضبوط بنانے میں مدد کرے گی۔
بشکریہ ایکسپریس نیوز