اہم خبریں

اے آر وائی اسلام آباد کے آٹھ ملازمین میں کورونا وائرس : بیورو آفس بند کر دیا گیا

اسلام آباد : نجی ٹی وی چینل اے آر وائی کے آفس میں کورونا وائرس کے مریضوں کی نشاندہی کے بعد چینل کا بیورو آفس بند کر دیا گیا ہے ۔اے آر وائی کے سی ای او سلمان اقبال کی جانب سے ٹویٹر پیغام پر آ گاہ کیا گیا ہے کہ اسلام آفس میں بیس لوگوں کے ٹیسٹ کروائے گئے ،جس میں سے آٹھ افراد میں تصدیق ہوئی، جبکہ دو میں علامات ظاہر ہو رہی ہیں ،اس لیے فوری طور پر بیورو آفس کو بند کرنے کا فیصلہ کیا گیا ہے ،اور باقی رہ جانے والوں کے ٹیسٹ بھی کروائے جائینگے ۔
پیغام میں کہا گیا ہے کہ ورکرز گھر میں رہیں اور محفوظ رہیں ،اسی طرح گزشتہ دنوں لاہور کے ایک معروف چینل سٹی نیٹ ورک میں بھی وائرس کی تصدیق ہوئی تھی ۔ جب کہ اسلام آباد میں اے پی پی کے ایک رپورٹر میں کورونا وائرس کی تشخیص کے بعد دفتر کو بند کر دیا گیا تھا ۔پارلیمانی رپورٹرز ایسوسی ایشن کے صدر بہزاد سلیمی سیکرٹری جنرل ایم بی سومرو اور ایگزیکٹو باڈی نے اے آروائی نیوز اسلام آباد بیورو کے کرونا وائرس سے متاثر ہونے والے 8 کارکنان سمیت ملک میں کرونا کے شکار ہونے والے دیگر کارکنان سے اظہار یکجہتی کرتے ہوئے کرونا سے متاثر ہونے والے صحافیوں و میڈیا کارکنان کی تعداد میں تیزی سے اضافہ کو حکومت اور میڈیا مالکان کی غفلت کا نتیجہ قرار دیا ہے ۔ پی آراے نے مطالبہ کیا ہے کہ حکومت فوری طور پر دیگر ٹی وی چینلز اور اخبارات کے تمام عملہ کے فوری ٹیسٹ کروائے ، حفاظتی کٹس فراہم کرے جبکہ میڈیا مالکان بھی اپنے کارکنان کی جان کے تخفظ کے لیے ایس او پی بنائیں اور اس پر سختئ سے عملدرآمد کرائیں ۔ پی آراے نے کرونا سے متاثرہ صحافیوں اور میڈیا کارکنوں کا ڈیٹا اکٹھا کرنے کے لیے ایک ڈیٹا فارم جاری کرنے کا فیصلہ بھی کیا ہے

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker