ملتان:درجہ حرارت میں اضافہ ہماری زراعت کو بری طرح متاثرکررہاہے ۔اس کے نتیجے میں اس مرتبہ گندم اورآم کی پیداواربری طرح متاثرہوئی ہے، نامورماہر ما حولیات اورپی ایچ ڈی سکالرصنوبرفضل نے اے پی پی کو بتایاکہ موسمیاتی تبدیلی نے کپاس کی فصل کوبھی شدید نقصان پہنچایاہے ،شدیدگرمی کے باعث کپاس کے ٹینڈے اورپھول نہیں بن سکے، اس کے بعد بارشوں نے جلتی پرتیل کاکام کیا۔
پچھلے برس بھی کپاس کی پیداوارکم ہوئی تھی لیکن اس مرتبہ مزید کمی کاامکان ہے ،ہماری فی ایکڑپیداواراوسطاً22سے 24من تھی جوکم ہوکر 9سے 10یازیادہ سے زیادہ 13من فی ایکڑرہ گئی ہے ۔انہوں نے بتایاکہ پلاسٹک کے شاپنگ بیگ ماحول کے لئے انتہائی خطرناک ہیں جوسات سوسال تک تلف نہیں ہوتے ،زیرزمین پلاسٹک کی تہیں بن چکی ہیں جوآبی حیات کو بھی متاثرکررہی ہیں اورپانی کی آلودگی میں بھی اضافہ ہورہاہے ۔اس کے تدارک کے لئے آگاہی مہم بہت ضروری ہے ۔
فیس بک کمینٹ