پنجاب میں آج بھی ہیٹ ویو اورگرمی کی لہر برقرار رہنے کا امکان

لاہور: پنجاب میں آج بھی ہیٹ ویو اورگرمی کی لہر برقرار رہنے کا امکان ہے۔
ترجمان پی ڈی ایم اے کے مطابق پنجاب میں آج بھی گرمی اپنا زور دکھائے گی جہاں بہاولپور ، رحیم یار خان، ڈیرہ غازی خان اور ملتان میں ہیٹ ویو کی لہر شدید ہوسکتی ہے۔
پی ڈی ایم اے نے بتایا کہ اپریل کے اختتام تک درجہ حرارت 45 ڈگری تک جانے کا خدشہ ہے جب کہ پنجاب کے میدانی علاقوں میں تقریباً 40 ڈگری تک درجہ حرارت ریکارڈ کیا گیا۔
اس حوالے سے ڈی جی پی ڈی ایم اے عرفان علی کاٹھیا نے کہا کہ چولستان کے اضلاع میں صاف پانی کی فراہمی کو یقینی بنایا جا رہا ہے، تمام اسپتالوں میں ہیٹ ویو کاؤنٹرز قائم ہیں۔
عرفان علی کاٹھیا نے سخت دھوپ میں مشقت اور ورزش سے گریز کرنے کی بھی ہدایت کی ہے۔
(بشکریہ:جیونیوز)