اسلام آباد: مسلم لیگ ن وزیر خزانہ سینیٹر اسحاق ڈار کو نگران وزیراعظم بنانے کا فیصلہ کر لیا۔
ذرائع کا کہنا ہے کہ مسلم لیگ ن نے اسحاق ڈار کو نگران وزیراعظم بنانے کا فیصلہ کیا ہے اور اس حوالے سے مسلم لیگ ن نے پیپلز پارٹی سے بھی مشاورت کی ہے۔
اسحاق ڈار کے نام پرتمام جماعتیں متفق ہوئیں تو وہ نگران وزیراعظم ہونگے، احسن اقبال
ذرائع کے مطابق حکومتی کمیٹی اسحاق ڈار کے نام پر باقی سیاسی جماعتوں کو بھی اعتماد میں لے رہی ہے جبکہ اسحاق ڈار بطور نگران وزیر اعظم اسٹیبلشمٹ کو بھی قابل قبول ہیں۔
اس سے قبل جیو نیوز کے پروگرام نیا پاکستان میں گفتگو کرتے ہوئے وفاقی وزیر احسن اقبال نے بھی کہا تھا اگر تمام جماعتیں اتفاق کرتی ہیں تو اسحاق ڈار نگران وزیراعظم ہوں گے تاہم نگران وزیراعظم کا فیصلہ تمام جماعتوں سے مشاورت کے بعد ہو گا۔
دوسری جانب وزیراعظم شہباز شریف کا کہنا ہے ہماری حکومت اپنی مدت پوری کر کے چلی جائے گی، اب انتخابات کروانا الیکشن کمیشن کی ذمہ داری ہے، نئی مردم شماری سے متعلق فیصلہ الیکشن کمیشن کو کرنا ہے۔
(بشکریہ:جیو نیوز)
فیس بک کمینٹ