ملتان : جماعت اسلامی جنوبی پنجاب کے سیکرٹری اطلاعات کنور محمد صدیق طویل علالت کے بعد انتقال کر گئے۔ مرحوم ڈسٹرکٹ ایجوکیشن آفیسر ملتان و سابق سینئر ہیڈ ماسٹر گورنمنٹ ماڈل ہائی سکول میلسی راؤ محمد جاوید رفیق کے بڑے بھائی تھے۔ کنور محمد صدیق کا بنیادی تعلق فتح پور تحصیل میلسی سے تھا۔ وہ تحریک اسلامی کے ایک نڈر ، بےباک اور مخلص ساتھی تھے۔ ان کی زندگی کا زیادہ حصہ بطور سیکرٹری اطلاعات کے گزرا۔
ملتان کے الیکٹرانک اور پرنٹ میڈیا میں ان کی نمایاں کارکردگی کا زمانہ معترف ہے۔
جماعت اسلامی کے رہنماؤں نے ان کی وفات پر گہرے دکھ اور صدمے کا اظہار کیا ہے اور کہا ہے کہ ان کی وفات سے پیدا ہونے والا خلا کبھی پر نہیں ہوگا۔
فیس بک کمینٹ