دیامر :سیلاب میں خیبر ٹی وی کی اینکر شبانہ فیملی سمیت لاپتہ ہوگئیں۔ترجمان گلگت بلتستان حکومت فیض اللہ فراق کے مطابق دیامرسیلاب میں ایک اور فیملی کےلاپتا ہونےکی اطلاع ہے اور لاپتا ہونے والوں میں لیاقت، اہلیہ شبانہ اور ان کے چار بچے شامل ہیں۔ترجمان نے بتایاکہ شبانہ لیاقت نجی ٹی چینل میں اینکر ہیں اور چینل انتظامیہ نے لاپتا ہونے کا کہہ کر رابطہ کیا۔
ترجمان کے مطابق شاہراہ بابوسرپرنجی ٹی وی چینل کی اینکرپرسن کا پرس مل گیا اور یہ پرس تھک بابوسر کے مقامی رضاکار کو ملا ہےجس میں خاتون کا شناختی کارڈ موجود ہے۔
ترجمان کا کہنا ہے کہ لاپتا سیاحوں کی تلاش جاری ہے اور رضاکاروں کو سراغ رساں کتوں اورڈرونز کی مدد بھی حاصل ہے جبکہ پولیس، انتظامیہ، ڈیزاسٹرمنیجمنٹ، پاک فوج اور جی بی اسکاؤٹس سرچ آپریشن میں شامل ہیں۔ترجمان کا کہنا ہے کہ عینی شاہدین کےمطابق 10 سے 15سیاح شاہراہ بابوسر میں سیلابی ریلوں میں بہہ گئے تھے۔
دوسری جانب نجی ٹی وی کے مطابق خیبر ٹی وی اسلام آباد سینٹر کی اینکر پرسن شبانہ لیاقت گلگت بلتستان میں سیلاب کے دوران اپنے شوہر اور چار بچوں سمیت لاپتہ ہوگئیں اور تاحال ان کا کوئی سراغ نہیں مل سکا۔
ٹی وی چینل کا ہے کہ متاثرہ فیملی یکم جولائی کو اپنے شوہر اور چار بچوں کے ساتھ سیر کے لیے گلگت بلتستان گئی تھیں اور اسکردو سے واپس آتے ہوئے بابوسر ٹاپ پر پہنچ کر ان کے اور ان کے شوہر کے نمبر بند ہو گئے، اب تک ان کی کوئی خبر نہیں ملی اور نہ ہی ان کا موبائل فون ملا ہے۔
خیال رہےکہ گزشتہ دنوں دیامر سیلابی ریلے میں بہہ کر لودھراں سے پکنک منانے کے لیے جانے والی فیملی کے 3 افراد بھی جاں بحق ہوگئے تھے۔ جاں بحق ہونے والوں میں ڈاکٹر مشعال فاطمہ، ان کا تین سالہ بیٹا عبد الہادی اور ان کے دیور فہد اسلام شامل تھے۔
(بشکریہ :جیونیوز )
فیس بک کمینٹ