اہم خبریں

ملتان ، چوک نواں شہر میں متحارب گروپوں کے درمیان فائرنگ ،کرکٹ ٹیم کی ڈیوٹی پرمامور دوپولیس اہلکاروں سمیت 3افراد زخمی

ملتان۔8دسمبر (اے پی پی):ملتان کے بارونق علاقے چوک نواں شہر میں جمعرات کی صبح دومتحارب گروپوں کے درمیان فائرنگ کے نتیجے میں کرکٹ ٹیم کی ڈیوٹی پرماموردوپولیس اہلکاروں سمیت 3 افراد زخمی ہوگئے ۔فائرنگ کاواقعہ ہائیکورٹ سے ملزمان کی پیشی سے واپسی کے دوران پیش آیا۔پولیس نے 4افرادکوموقع سے گرفتار کرکے ان کے قبضے سے چارپسٹل اورایک خنجربرآمدکرلیا۔
سی پی اوملتان خرم شہزاد حیدر کے مطابق گرفتارکئے جانے والے افرادکاتعلق سود کاکام کرنے والے مکی مدنی گروپ سے ہے ۔انہوں نے کہاکہ گروہ کے سرغنہ مکی مدنی کو گرفتارکرنے کے لئے بھی چھاپے مارے جارہے ہیں ۔دونوں گروپوں کے درمیان قتل کے مقدمات کے حوالے سے بھی دیرینہ دشمنی پائی جاتی ہے
ایس ایچ اوتھانہ کینٹ عرفان ہاشمی کے مطابق زخمی ہونے والے ایک راہگیر کی شناخت نعمان کے نام ہوئی ہے ۔

فیس بک کمینٹ

متعلقہ تحریریں

Adblock Detected

Please consider supporting us by disabling your ad blocker