اختصارئےلکھاریناصر محمود شیخ

پیاسے کوے کو اب بھوک بھی لگتی ہے ۔۔ ناصر محمود شیخ 🙄😓

کوے چیلیں بلیاں اللہ کی بےشمار مخلوقات ، تخلیقات میں وہ جاندار اور پرندے ہیں جو پنجروں میں کم اور آزاد و کھلی فضا میں زیادہ نظر آتے ہیں اگر ان کو کھانا حلال ہوتا تو یہ بے چارے انسانی بستیوں میں نظر ہی نہ آتے 😜 کوے کے حوالے سے بہت سی باتیں اور الزام منسوب ہیں 🙄جھوٹ بولے کوا کاٹے ۔۔۔ کالے کوے سے ڈریو 😜 ۔۔
حالانکہ اگر کوے نے ہی جھوٹ بولنے پر ہمیں کاٹنے کی ڈیوٹی دینی ہے تو ہم پاکستانیوں کو کاٹنے کے لئے ایک ارب کوے بھی کم پڑ جائیں یہ بھی باہر سے درآمد کرنا پڑتے یہ مستقل تصور کر لیا گیا ہے کہ آپ کی منڈیر یا چھت پر کوا بول رہا ہو تو مہمانوں کی آمد متوقع ہے ہم کوشش کرتے ہیں کہ کوا اڑ جائے اور دور ہمارے عزیز واقارب کی چھت اور منڈیر پر جا بیٹھےاور ان کے گھر مہمان اللہ کی رحمت بن کر زور شور سے جائیں
انگلش لٹریچر میں سب سے پہلے ایسوپ فیلز نے pitcher and crow کے عنوان سے کہانی لکھی پھر ہندی اردو ادب میں پیاسے کوے کی سٹوری نے عالمی شہرت حاصل کر لی ہر قوم ہر نسل کو پیاسے کوے کی سٹوری ازبر ہے ہم کوے کو پیاسے کے علاوہ کچھ سمجھنے کو تیار نہیں۔۔
دوستو اب بہت ہوگئی اس بیچارے کے ساتھ کیوں نہ اپنی سوچ بدلیں کوا اگر ہماری منڈیر پر آکے واویلا کرے تو ہم اسے محبت سے دیکھیں یقین رکھ لیں کہ یہ مہمانوں کی آمد کی بری خبر دینے نہیں آیا بلکہ یہ خود مہمان بن کر آیا ہےیہ بھوک سے بیتاب ہوکر اپ سے التجا کر رہا ہے کہ کوئی بچھی کچھی روٹی یا بریڈ کا ٹکڑا ہی مجھے دے دیں کہ میں نے بہت پیاس دیکھ لی اب مجھے بھوک بھی لگتی ہے ۔۔

فیس بک کمینٹ
Tags

Adblock Detected

Please consider supporting us by disabling your ad blocker