لاہور : سابق وزیراعظم نواز شریف پر لاہور میں جامعہ نعیمیہ میں ایک تقریب کے دوران جوتا پھینکا گیا جو ان کے سینے پر لگا۔گڑھی شاہو میں سابق وزیراعظم نواز شریف جامعہ نعیمیہ کے زیراہتمام تقریب میں شریک ہوئے اور جب وہ خطاب کے لئے ڈائس پر آئے تو ایک شخص نے ان کی جانب جوتا اچھالا جو ان کے سینے پر لگا۔جوتا اچھالنے والے شخص کو وہاں موجود افراد کو پکڑ لیا جسے تقریب سے باہر لے جایا گیا۔اس سے قبل گزشتہ روز سیالکوٹ میں ورکرز کنونشن سے خطاب کے دوران وزیر خارجہ خواجہ آصف کے چہرے پر ایک شخص کی جانب سے سیاہی پھینک دی گئی تھی۔ذرائع کے مطابق سابق وزیراعظم پر جوتا پھینکنے والا شخص 4 سال قبل جامعہ نعیمیہ سے فارغ التحصیل ہونے والا طالبعلم ہے جس کی شناخت طلحہ منور کے نام سے ہوئی ہے۔
فیس بک کمینٹ