ملتان :پاکستان اور انگلینڈ کے درمیان تین ٹیسٹ میچز سیریز کے دوسرے میچ میں شرکت کیلئے میزبان اور مہمان ممالک کی ٹیمیں راولپنڈی سے چارٹرڈ طیارہ کے ذریعے ملتان پہنچ گئیں۔ دھند اور سموگ کے باعث پاکستان اور انگلینڈ ٹیموں کی ملتان کیلئے پرواز چار گھنٹے تاخیر کا شکار ہوئی۔ شیڈول کے مطابق دونوں ممالک کی ٹیموں نے دوپہر بارہ بجے ملتان پہنچنا تھا لیکن موسمی کی خرابی کے باعث چارٹرڈ پرواز چار گھنٹے تاخیر کا شکار ہوگئی اور بعد سہ پہر چار بجے ملتان لینڈ کر سکی۔ ملتان آمد میں تاخیر کے باعث انگلش ٹیسٹ ٹیم کا ڈی ایچ اے گالف کورس کا وزٹ بھی متاثر ہوا ۔ دوسری جانب ملتان آمد پر پاک انگلش ٹیسٹ کرکٹرز کو سخت سکیورٹی حصار میں ایئر پورٹ سے ابدالی روڈ پر واقع ہوٹل میں پہنچایا گیا اور ابدالی روڈ اور سامنے والی نواں شہر روڈ کو ایک ہفتہ کیلئے بند کردیا گیا اور خصوصی سکیورٹی فورس تعینات کردی گئی ہے ۔ ہوٹل پہنچنے پر پاک انگلش کرکٹرز کو پھولوں کا تحفہ پیش کیا گیا ۔
فیس بک کمینٹ