پاکستان اسٹاک ایکسچینج میں آج کاروبار کا منفی دن رہا

پاکستان اسٹاک ایکسچینج میں آج منفی رجحان رہا اور 100 انڈیکس 809 پوائنٹس کم ہوکر ایک لاکھ 11 ہزار 935 پر بند ہوا۔
100 انڈیکس کاروباری دن میں 1821 پوائنٹس کے بینڈ میں رہا، بازار میں 43 کروڑ شیئرز کے سودے 23 ارب روپے میں طے ہوئے۔
مارکیٹ کیپٹلائزیشن 106 ارب روپے کم ہوکر 13827 ارب روپے ہے۔
دوسری جانب انٹربینک میں ڈالر 278.96 روپے پر بند ہوا ہے، انٹربینک میں ڈالر 8 پیسے سستا ہوا ہے۔
انٹربینک میں گزشتہ روز ڈالر 279.04 روپے پر بند ہوا تھا۔
(بشکریہ:جیونیوز)