ممبئی:بھارت کے مشہور غزل گائیک پنکج ادھاس انتقال کرگئے۔
بھارتی میڈیا کے رپورٹس کے مطابق 72 سال کے پنکج ادھاس طویل عرصے سےعلیل تھے اور کچھ ماہ قبل ان میں کینسر کی تشخیص ہوئی تھی۔
میڈیا رپورٹس میں کہا گیا ہے کہ پنکج ادھاس کا آج صبح ممبئی کے اسپتال میں انتقال ہوا اور ان کی آخری رسومات کل ادا کی جائیں گی۔
پنکج ادھاس 17 مئی 1951 کو بھارتی گجرات میں پیداہوئے تھے، انہوں نے غزل گائیکی کا سفر آہٹ کے نام سے البم سے شروع کیا تھا۔
پنکج نے کئی بالی وڈ فلموں کیلئے گیت بھی گائے تھے اور ان کی مشہور غزلوں میں ’چاندنی رات میں‘، ’نا کجرے کی دھار‘، ’اور آہستہ کیجیے باتیں‘، ’ایک طرف اس کا گھر‘، ’تھوڑی تھوڑی پیا کرو‘ اور ’چٹھی آئی ہے‘ شامل ہیں جو ہمیشہ ان کے پرستاروں کو یاد رہیں گی۔
پنکج کو میوزک انڈسٹری کیلئے گراں قدر خدمات پر 2006 میں پدما شری ایوارڈ سے نوازا گیا تھا جبکہ انہوں نے کئی فلمیں ایوارڈز بھی حاصل کیے تھے۔
(بشکریہ:جیو نیوز)
فیس بک کمینٹ