لاہور:پاکستان تحریک انصاف کی رہنما یاسمین راشد کے سروسز ہسپتال سے ڈسچارج ہونے کے بعد پولیس نے انہیں دوبارہ کوٹ لکھپت جیل منتقل کر دیا ہے۔
اسپتال انتظامیہ کے مطابق یاسمین راشد 5 روز سروسز اسپتال میں زیر علاج رہیں، یاسمین راشد کی طبیعت مکمل ٹھیک ہے۔
انتظامیہ کا کہنا تھا کہ اینٹی بایوٹک کا کورس مکمل ہونے کے بعد انہیں جیل بھیج دیا گیا ہے۔
اسپتال میں علاج کے دوران ڈاکٹر یاسمین راشد کی نواسی انہیں ملنے آئی تھی۔
ڈاکٹر یاسمین راشد قے، پانی کی کمی اور پیٹ میں درد کی شکایت پر جیل سے سروسز اسپتال لائی گئی تھیں۔
(بشکریہ:جیونیوز)
فیس بک کمینٹ