ملتان ( اے پی پی) نامورگلوکارہ میڈم ثریاملتانیکرنے کہاہے کہ میں اگرآج ملتان کی پہچان ہوں تویہ پہچان مجھے ریڈیوپاکستان ملتان نے دی ۔اگرچہ میں نے اپنے کیر یئر کا آغازریڈیولاہور سے کیا کہ اس زمانے میں ریڈیوملتان ابھی قائم ہی نہیں ہواتھالیکن مجھے اصل شہرت خواجہ فرید کی کافیوں کی بدولت ملی جو ریڈیو پاکستان ملتان کی مرہون منت ہے۔
ان خیالات کااظہارانہوں نے سوموارکےروزریڈیوپاکستان ملتان کی 52ویں سالگرہ کے موقع پرگرینڈمیوزیکل شوسے خطا ب کے دوران کیا۔تقریب سے خطاب کرتے ہوئے نام ور گلوکارہ راحت ملتانیکرنے کہاکہ میں ریڈیوپاکستان کواپنے سکول سے بھی پہلے سے جانتی ہوں کہ میں اپنی والدہ کے ہمراہ ریکارڈنگز پریہاں آیاکرتی تھی ۔صدارتی ایوارڈ یافتہ براڈ کاسٹراورصداکار قیصرنقوی نے کہاکہ ریڈیوملتان نے بہت سے لوگوں کو پہچان دی۔
ڈائریکٹرتعلقات عامہ ملتان سجاد جہانیہ نے کہاکہ ریڈیوملتان اس خطے کی آوازبنا اوراس نے سرائیکی علاقے کے باسیوں کے مسائل کو اجاگرکیا۔شاکر حسین شاکر نے کہاکہ ریڈیوکے ساتھ دیرینہ وابستگی پرمجھے فخرہے ۔سینئر صحافی جہانگیر ترین نے کہاکہ ریڈیوملتان نے لوگوں کو خوبصورت تقریب فراہم کی ۔رضی الدین رضی نے کہاکہ اسی ادارے نے ہمیں بات کرناسکھائی ۔
تقریب میں زندگی کے مختلف شعبوں سے تعلق رکھنے والے افراد کی بڑی تعدادنے شرکت کی ۔بعدازاں سالگرہ کاکیک بھی کاٹا گیا۔پروگرام کے میزبانوں میں ریاض میلسی ،مرزااطہرلطیف اوردیگرشامل تھے ۔
فیس بک کمینٹ