اختصارئےشہزاد عمران خانلکھاری

پاکستانی معیشت کے لئے اصل کورونا تو لٹیرے ہیں ۔۔شہزاد عمران خان

پاکستان ابھی تک ترقی پذیر ممالک میں شامل ہے جبکہ پاکستان دنیا کی وہ سرزمین ہے جسے قدرت نے قدرتی وسائل اور معدنیات سے مالامال کیا ہے ۔قیام پاکستان سے لے کر اب تک جتنی بھی حکومتیں آئیں سب نے فائدہ اپنے پیاروں کو دیا ۔
اس کی وجہ یہ ہے کہ پاکستان کے تمام سیاستدان، مقتدر ادارے ، بیوروکریٹ غرض وہ لوگ جو پاکستان پرحکومت کرنے آئے ہیں کسی نہ کسی طرح آپس میں رشتہ دار ہیں کوئی کسی کا سسر ہے تو کوئی داماد، کوئی بھانجابھتیجا غرض یہ لوگ سیاسی طورپر ایک دوسرے کے مخالف ہونے کے باوجود اندر سے ایک ہوتے ہیں کیونکہ ان سب کے مفادات ایک ہیں ۔ پہلی بات کہ یہ اپنے گناہوں اور مبینہ کرپشن کے ثبوت چھوڑتے ہی نہیں اگر کوئی ثبوت کسی کے ہاتھ لگ جائے اور میڈیا پر آ جائے تو پھرکچھ دیر کے لیے ان لوگوں کو ایک قدم پیچھے ہٹنا پڑتا ہے ۔بڑ ی سے بڑی کرپشن پر ان سے زیادہ سے زیادہ استعفیٰ لیاجاتا ہے ۔ اس کے علاوہ کچھ نہیں۔ یہ لوگ ہر دور اقتدار میں حکومت سے ملے ہوتے ہیں نہ ان پر کوئی پابندی لگائی جاتی ہے کہ جس کے تحت وہ دوبارہ پاکستان کی سیاست میں پھرسے سرگرم نہ ہو سکیں ۔ ان کی سیاست پھرسے اسی ڈگر پر چل نکلتی ہے۔
حالیہ دنوں میں ایک انکوائری رپورٹ منظرعام پر آئی جس میں موجودہ حکومتی ارکان اورسابقہ افسران نے چینی اور آٹا مافیا کو اربوں روپے کا فائدہ پہنچایا۔ آٹا اورچینی ہر پاکستانی کی ضرورت ہے۔پاکستان کی آدھے سے زیادہ ا ٓبادی خط غربت سے نیچے زندگی گزار رہی ہے۔ان مافیا ز نے آٹا اور چینی مہنگے داموں فروخت کرکے اربوں روپے کمالیے جن میں حکومتی وزراءاورغیروزراءدونوں شامل ہیں۔ موجودہ انکوائری رپورٹ آنے کے بعد ان افراد کے خلاف کیا کارروائی ہوتی ہے ، ہوتی بھی ہے یا نہیں ہوتی۔ کوئی سزا ایسے لوگوں کے لیے ضر ورتجویز ہونی چاہیے۔اگر وزیراعظم عمران خان نے ایسا کوئی قدم اٹھایا تو ان کو اپنی وزارت عظمی سے بھی ہاتھ دھونے پڑ سکتے ہیں یاعمران خان کے اتحادی اور وہ قوتیں جو اقتدار میں لاتی ہیں وہ وزیراعظم کے اس اقدام میں ساتھ دیتے ہیں یا پھر سے روایتی بھیڑ چال شروع ہونے جارہی ہے ۔ یہ تو آنے والاوقت ہی بتائے گا کہ آنے والے دنوں میں کیا سیاسی بھونچال آنے والا ہے۔کچھ بھی ہو ایسے تمام افراد کسی بھی شرح سے کورونا سے کم خطرناک نہیں ہیں جو پاکستان کی جڑوں کوکھوکھلا کررہے ہیں۔ ایسے لوگ ہی پاکستانی معیشت کے کورونا وائرس ہیں۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker