اسلام آباد : جمعیت علمائے اسلام کے سربراہ مولانا فضل الرحمان کو آئینی ترمیم کا حتمی مسودہ دے دیا گیا ہےجو اب سے کچھ دیر بعد سینیٹ میں پیش کر دیا جائے گا ۔کئی گھنٹوں کی تاخیر کے بعد رات سوا گیارہ بجے سینیٹ کا اجلاس شروع ہو گیا جس میں آج ترمیم کی منظوری دی جائے گی ۔ بلاول بھٹو 24 گھنٹوں میں چوتھی بار مولانا کے گھر پہنچ گئے، اس کے علاوہ نائب وزیراعظم اسحاق ڈار، محسن نقوی اور اعظم نذیر تارڑ بھی ان کے گھر موجود ہیں۔
ذرائع کے مطابق حکومت کی طرف سے آئینی ترامیم پر مشاورت کی کوششیں جاری ہیں اور مولانا فضل الرحمان سے آئینی ترامیم پر حتمی مشاورت ہوگی۔ذرائع نے بتایاکہ وزیراعظم نے مولانا فضل الرحمان کی رہائشگاہ پرموجود حکومتی قانونی ٹیم سے رابطہ کیا اور اہم سیاسی امور پر مشاورت کی۔ذرائع کا کہنا ہے کہ وزیراعظم نے آئینی ترامیم پر معاملات پر پیشرفت کا جائزہ لیا جبکہ حکومتی قانونی ٹیم نےمولانا فضل الرحمان سےبات چیت سےمتعلق وزیراعظم کو آگاہ کیا۔اُدھر وفاقی وزرا نے اب کہنا شروع کردیا کہ اتفاق رائے ہوجائے تو ٹھیک ورنہ حکومت آگے بڑھے گی۔
فیس بک کمینٹ