اسلام آباد : سابق وفاقی وزیر اور پاکستان تحریک انصاف کے مرکزی رہنما شفقت محمود نے سیاست چھوڑنے کا اعلان کر دیا۔سوشل میڈیا ویب سائٹ ایکس پر جاری کیے گئے بیان میں شفقت محمود نے لکھا بہت سوچ و بچار کے بعد میں نے سیاست سے ریٹائر ہونے کا فیصلہ کیا ہے، اپنی باقی عمر تحریر و تدریس کے لیے وقف کرنا چاہتا ہوں۔
شفقت محمود نے اپنے بیان میں لکھا کہ یہ فیصلہ نہ کسی دباؤ کا نتیجہ ہے نہ ہی کسی اور پارٹی میں جانے کا ارادہ ہے، سیاست سے علیحدگی کا اعلان وقت اور عمر کے تقاضے کی وجہ سے کیا ہے۔سابق وفاقی وزیر کا کہنا تھا بانی پی ٹی آئی کا مشکور ہوں جنہوں نے مجھے خدمت کا موقع فراہم کیا، پی ٹی آئی اور حلقے کے ووٹرز کا بھی شکر گزار ہوں جنہوں نے دو دفعہ نمائندگی کا شرف بخشا۔
فیس بک کمینٹ