گفتگو سے کترانے والے نہیں، بات چیت کیلئے آج بھی تیار ہیں: شاہ محمود

لاہور : تحریک انصاف کے وائس چیئرمین شاہ محمود قریشی نے کہا ہے کہ گفتگو سے کترانے والے نہیں ہیں، آج بھی بات چیت کے لیے تیار ہیں۔
لاہور میں میڈیا سے گفتگو میں شاہ محمود قریشی کا کہنا تھاکہ جیل بھرو تحریک کا آغاز چیئرنگ کراس سےکیاگیا تھا، تحریک میں پی ٹی آئی کارکنوں نے بڑی تعداد میں حصہ لیا۔
انہوں نے کہا کہ ہمارا ملک میں شفاف انتخابات کے حصول کا مقصد پایہ تکمیل کوپہنچا، سپریم کورٹ نے 90 دن میں انتخابات کے نکتے کو تسلیم کیا۔
ان کا کہنا تھاکہ پی ڈی ایم کی حکومت ناکام ہوچکی ہے، یہ ملک کو نہ سیاسی استحکام دےسکے اور نہ معاشی استحکام دیا، مہنگائی کا جن قابو میں نہیں آرہا، انہوں نے آئی ایم ایف کی بہت سی شرائط ابھی بھی پوشیدہ رکھی ہوئی ہیں۔
شاہ محمود کا کہنا تھاکہ ہم گفتگو سے کترانے والے نہیں ہیں، گفتگو کیلئے آج بھی تیار ہیں۔