ٹی ٹوئنٹی ورلڈ کپ کے 27 ویں میچ میں ہدف کے تعاقب میں پاکستان کی بیٹنگ جاری ہے اور 12.1 اوورز میں 78 رنز پر 7 کھلاڑی آؤٹ ہوگئے ہیں۔
کولمبو میں جاری گروپ اے کے میچ میں ہدف کے تعاقب میں پاکستانی کپتان سلمان آغا سمیت عثمان خان، صائم ایوب، بابر اعظم اور صاحبزادہ فرحان پویلین لوٹ چکے ہیں۔ جبکہ فہیم اشرف اور شاہین شاہ آفریدی کریز پر موجود ہیں۔
پاکستان کی جانب سے محمد عثمان 44 رنز بنا کر نمایاں رہے۔ شاداب خان 14، صائم ایوب 6، بابر اعظم 5، کپتان سلمان آغا 4، محمد نواز 4 اور صاحبزادہ فرحان 0 کے اسکور پر آؤٹ ہوئے۔
اس سے قبل پاکستان کی دعوت پر پہلے بیٹنگ کرتے ہوئے بھارت نے مقررہ اوورز میں 7 وکٹوں کے نقصان پر 175 رنز اسکور کیے۔
سلمان آغا کے بیان پر بھارتی کپتان کا دلچسپ جواب!
بھارت کی جانب سے ایشان کشن 77 رنز بنا کر نمایاں رہے۔ کپتان سوریا کمار یادو 32، شیوم ڈوبے 27، تلک ورما 25، ہاردک پانڈیا 0، اکشر پٹیل 0 اور ابھیشیک شرما 0 کے انفرادی اسکور پر آؤٹ ہوئے۔
رنکو سنگھ 11 رنز بنا کر ناٹ آؤٹ پویلین لوٹے۔
پاکستان کی جانب سے صائم ایوب نے 3 کھلاڑیوں کو آؤٹ کیا۔ کپتان سلمان آغا عثمان طارق، اور شاہین شاہ آفریدی نے 1، 1 وکٹ حاصل کی۔
فیس بک کمینٹ