قصابوں نے چھریاں تیز کر لیں،شوقیہ فنکار بھی میدان میں آگئے۔

ملتان:عید قربان کے موقع پر قصابوں نے بھی چھریاں تیز کر لیں پیشہ ور قصابوں کے علاوہ شوقیہ فنکار بھی دیہاڑی لگانے کے لیے میدان میں آگئے۔اس وقت ایک بکرا ذبح کرنے کا ریٹ 5سے7ہزار روپے ہے جبکہ بیل 15سے 20ہزار روپے میں ذبح کیا جا رہا ہے۔شہریوں کا متوسط طبقہ اجتماعی قربانی کو ترجیح دے رہا ہے اجتماعی قربانی میں حصہ 20سے 30ہزار روپے میں ڈالا جارہا ہےشہر کے مختلف علاقوں میں چھریاں تیز کرنے والی دکانوں پر بھی لوگوں کا ہجوم رہا ۔بوہڑ گیٹ،لوہا مارکیٹ، صدر بازار اور گلگشت کالونی میں مختلف مقامات پر چھریاں تیز کرنے والی دکانوں پر لوگوں کی بڑی تعداد موجود تھی عید سے پہلے جو چھریاں 15سے 20روپے میں تیز کی جارہی تھیں اب ان کا ریٹ 25سے50روپے تک پہنچ گیا ہے۔