ملتان: یوٹیلٹی سٹورز کارپوریشن کی تمام یونینز نے ڈیلی ویجز ملازمین کے معاشی قتل کے خلاف ملتان پریس کلب کے سامنے احتجاجی مظاہرہ کیا جس میں ملتان کے سیکنڑوں ملازمین نے شرکت کی مظاہرین نے حکومت پاکستان اور یو ایس سی منجمنٹ کے خلاف شدید نعرہ بازی کی اور مطالبہ کیا کہ نکالے گئے تمام ڈیلی ویجز ملازمین کو فوری طور پر نوکریوں پر بحال کیا جائے اور حکومت پاکستان اپنے وعدے کے مطابق یوٹیلٹی سٹورز کی بندش یا نجکاری کا فیصلہ واپس لیکر یوٹیلی شورز کارپوریشن کو فنڈ جاری کرے تاکہ ادارہ بہتر طریقے سے کام کر سکے ۔ مظاہرین سے نیشنل ورکرز یونین سی بی اے کے سرپرست اعلی اسرار فرید چشتی اور آل پاکستان ورکرز الائنس کے مرکزی نائب صدر ملک مظفر سندیلہ نے خطاب کرتے ہوئے کہا 2 ستمبر کو نوفاقی وزیر رانا ثناء اللہ اور وفاقی وزیر صنعت و پیداوار رانا تنویر حسین نے ہمارے ساتھ وعدہ کیا تھا کہ یوٹیلٹی سٹورز کارپوریشن کو بند نہیں کیا جائے گا اور نہ ہی اس کی نجکاری کی جائے گی اور کسی ملازم کو نوکری سے نہیں نکالا جائے گا ۔ اور یہی وفاقی وزیر رانا تنویر نے پیپلز پارٹی کی رہنما محترمہ آ صفہ بھٹو اور دیگر ارکان کے قومی اسمبلی میں توجہ دلاؤ نوٹس کے جواب میں بھی کہا تھا ۔ لیکن حکومت نے یوٹرن لیتے ہوئے پہلے ملک بھر کے ایک ہزار سے زیادہ سٹور بند کئے اور اب 15 سے بیس سال سے کام کرنے والے 3000 ہزار ڈیلی ویجز ملازمین کو برطرف کر دیا جنھیں ملک بھر کی مختلف عدالتوں نے ریگولر کیا ہوا ہے اور قادر خان مندوخیل کی سربراہی میں قائم قومی اسمبلی کی اسپیشل کمیٹی نے بھی ریگولر کرنے کے احکامات دیے ہوئے ہیں لیکن اس کے باوجود ان ملازمین کا معاشی قتل کر دیا گیا ۔ جس کا صدمہ نہ برداشت کرتے ہوئے ایبٹ آباد کے ایک ڈیلی ویجز ملازم جنید قریشی نے خود کشی کرتے ہوئے زندگی کا چراغ گل کر دیا
مقررین نے کہا ہم مطالبہ کرتا ہیں کہ یوٹیلٹی سٹورز کارپوریشن کے تمام ڈیلی و یجر ملازمین کو واپس نوکریوں پر بحال کیا جائے اور تمام کنٹریکٹ اور ڈیلی ویجز ملازمین کو ریگولر کیا جائے یوٹیلٹی سٹورز کار پوریشن کو بند کرنے یا نجکاری کرنے کا ارادہ ترک کیا جائے اور یوٹیلٹی سٹورز کارپوریشن کک ذریعے عوام کو مختلف اشیاء پر سبسڈی دینے کے لیے بجٹ 2024/25 میں 60 ارب روپے منظور کیئے تھے۔ وہ فنڈز جاری کئے جائیں ۔
فیس بک کمینٹ