ملتان۔(اے پی پی):زندگی کے مختلف شعبوں سےتعلق رکھنے والےافرادنےعالمی شہرت یافتہ ہدایت کار،صداکار،اداکاراورپاکستان میں پہلے ٹی وی شوکےبانی ضیاءمحی الدین کےانتقال پرگہرےدکھ اورصدمےکااظہارکیاہے۔
نامورماہرتعلیم اورمقتدرہ قومی زبان کےسابق سربراہ ڈاکٹرانواراحمدنے کہاکہ ان کےانتقال سےایک عہد کا خاتمہ ہوگیا۔انہوں نے تحت الفظ کے ذریعے اردوادب کے شائقین کی جوخدمت کی اسے فراموش نہیں کیاجاسکتا۔
نامور ماہر تعلیم اورشاعر پروفیسر انورجمال نے کہاکہ ان کی آوازمسحورکن تھی انہوں نے درست تلفظ کورائج کیا۔صدارتی ایوارڈیافتہ اورکالم نگار شاکر حسین شاکر نے کہاکہ امجد اسلام امجد کے بعد ایک ہفتے کے دوران یہ دوسرابڑاسانحہ ہے۔
سینیئر براڈکاسٹراورریڈیوپاکستان کے سابق کنٹرولرپروگرامز آصف خان کھیتران نے کہاکہ ریڈیوکے عالمی دن کے موقع پرضیاءمحی الدین کاجداہوجاناایک سانحہ ہے ۔آوازکی دنیا انہیں ہمیشہ یادرکھے گی ،نورجہاں اگرترنم کی ملکہ تھی توضیاءمحی الدین تحت الفظ کے بادشاہ تھے ۔
فیس بک کمینٹ