ملتان:نوجوانوں کے امور اورکھیلوں کے صوبائی وزیر فیصل ایوب کھوکھر نے کہاہے کہ حکومت پنجاب وزیراعلیٰ مریم نواز شریف کی ہدایت پرکھیلوں کے فروغ پرخصوصی توجہ دے رہی ہے ۔اس سلسلے میں پنجاب لیگ کاآغازکیاجارہاہے جس میں 16کھیلوں کے مقابلے کرائے جائیں گے ۔ان خیالات کااظہارانہوں نے دورہ ملتان کے دوران گیلانی ہاﺅس میں خصوصی اجلاس سے خطاب اوروفود سے ملاقات کے دوران کیا۔انہوں نے مزید کہاکہ یونین کونسل کی سطح سے تحصیل ،ضلع اورپھر صوبے کی سطح تک کھیلوں کے مقابلے ہوں گے جن میں شرکت کرنے والوں کو 15کروڑ روپے کے انعام دیئے جائیں گے ۔انہوں نے کہاکہ خواتین کے لئے کھیلوں کے الگ اوقات مقرر کئے جائیں گے ،ہم نوجوانوں کے لئے انٹرن شپ پروگرام بھی لارہے ہیں ،گریجویٹ نوجوانوں کو 6مہینے کی انٹرن شپ اوروظیفہ دیاجائے گا۔اس موقع پررکن قومی اسمبلی سید علی قاسم گیلانی نے کہاکہ سپورٹس کمپلیکس بناکر نوجوانوں کو کھیلوں کی اچھی سہولتیں فراہم کی جاسکتی ہیں اوریہ وقت کی اہم ضرورت ہے ۔اس موقع پرڈویژن سپورٹس آفیسر منظر فرید شاہ ،ڈسٹرکٹ سپورٹس آفیسر فاروق لطیف بھی موجوتھے ۔
فیس بک کمینٹ