ملتان: ڈائریکٹر حج ریحان عباس کھوکھر نے کہا ہے کہ حاجی کیمپ میں سکاوٹس کی خدمات قابل تحسین ہیں ان کی کاوشوں کے بغیر حج آپریشن ناممکن ہے سکاوٹس کی وجہ سے حاجیوں کے مسائل اور ان کی رہنمائی کرنے میں بہت مدد ملتی ہے سکاوٹس انتہائی محنت اور لگن سے حاجیوں کی رہنمائی کرتے ہیں جس کی وجہ سے انہیں کسی قسم کی پریشانی لاحق نہیں ہوتی۔ان خیالات کا اظہار انہوں نے حاجی کیمپ ملتان میں جاری حج آپریشن سکاوٹس لیڈرز کے اعزاز میں تقریب سے خطاب کرتے ہوئے کیا۔اس موقع پرحاجی کیمپ کے کوارڈینیٹر اشفاق احمد ڈوگرنے خطاب کرتے ہوئے کہا کہ حج آپریشن میں جنوبی پنجاب کے پانچ اضلاع کے سکاوٹس لیڈرز ڈیوٹی سرانجام دے رہے ہیں ،یہ سکاؤٹس لیڈرجس لگن اور جذبے سے حجاج کرام کی خدمت اور رہنمائی کر رہے ہیں وہ قابل تعریف ہے۔تقریب میں حج ڈائریکٹریٹ کے اراکین محکمہ صحت کے ملازمین اور تمام بینکوں کے عملے اور حجاج کی کثیر تعداد نے شرکت کی ۔تقریب کے اختتام پر تمام سکاوٹس میں شیلڈز اور تعریفی سرٹیفکیٹ تقسیم کیے گئے ۔
فیس بک کمینٹ