ملتان(نمائندہ گردو پیش )تھانہ الپہ کی حدود میں ہونے والا پولیس مقابلہ جعلی نکلا۔ مبینہ پولیس مقابلہ کا معاملہ مشکوک ہونے کے بعد اب اہم پیشرفت سامنے آگئی ہے۔سابق ایس ایچ او شمعون جوئیہ سمیت پولیس ملازمین کے خلاف مقدمہ درج کرلیا گیا۔مقدمہ عدالتی احکامات کی روشنی میں درج کیا گیا۔ ایڈیشنل سیشن جج ملتان نے ملزمان کے خلاف قانون کے مطابق کارروائی کا حکم دیا ہے۔
یاد رہے کہ 28 جولائی 2022 کو تھانہ الپہ کے علاقے میں مبینہ پولیس مقابلہ ہوا تھا۔ مبینہ پولیس مقابلے میں فہیم نامی شخص جاں بحق جبکہ اعظم زخمی ہوا تھا۔ اب مقدمہ فہیم کے بھائی نعیم کی مدعیت میں درج کرلیا گیا ہے۔ جس کے مطابق اس کا بھائی قانون کا پاسدار تھا۔ اور مال مویشی کی فروخت کے بعد واپس آرہا تھا ایف آئی آر کے متن کے مطابق پولیس نے بھائی فہیم کو ناحق قتل کیا۔ایس ایچ او شمعون جوئیہ ، کانسٹیبلز عثمان، ڈرائیور فیاض شاہ و دیگر ملازمین نامزد ملزم قرار پائے ہیں۔پولیس پر گھروں میں توڑ پھوڑ اور برادری کے لوگوں کو تشدد کا نشانہ بنانے کا الزام بھی عائد کیا گیا ہے۔
ادھر ملتان پولیس نے عدالتی احکامات کو ردی کی نوکری میں ڈال دیا،عدالتی حکم پر ایس ایچ او کے خلاف مقدمہ درج ہوا لیکن وہ بدستور ایس ایچ او کی ذ مہ داریاں نبھارہے ہیں ۔ایڈیشنل سیشن جج ملتان نے 28 جولائی 2022 کو تھانہ الپہ کے علاقے میں مبینہ پولیس مقابلے کے دوران فہیم نامی شخص کو جعلی پولیس مقابلے میں پار کرنے کا جرم ثابت ہونے پر گزشتہ روز تھانہ الپہ کے سابق ایس ایچ او شمعون جوئیہ ،کانسٹیبلز عثمان، ڈرائیور فیاض شاہ و دیگر ملازمین کے خلاف مقدمہ درج کرکے کارروائی کرنے کا حکم دیا تھا لیکن ملتان پولیس کے اعلیٰ افسران نے عدالتی حکم کو ردی کی نوکری میں ڈال دیا اور مذکورہ ایس ایچ او شمعون جوئیہ جو اسوقت تھانہ صدر شجاعباد میں بطور ایس ایچ او تعینات ہیں اور اپنی ڈیوٹی سرانجام دے رہے ہیں۔
فیس بک کمینٹ