ملتان: نامورعالم دین ، مرکزی رہنما جمعیت اہل حدیث پاکستان، سرپرست جمعیت اہل حدیث ملتان ، رکن ضلعی امن کمیٹی ملتان، سابق رکن مرکزی رویت ہلال کمیٹی پاکستان علامہ سید خالد محمود ندیم کو جمعرات کے صبح سپردخاک کردیاگیا۔ ان کی نماز جنازہ جامعہ رحمانیہ چونگی نمبر 14میں ادا کی گئی۔ نماز جنازہ علامہ عنایت اللہ رحمانی نے پڑھائی۔نماز جنازہ میں وائس چانسلر زرعی یونیورسٹی پروفیسر ڈاکٹر محمد آصف، سابق ایم این اے ملک غفارڈوگر،سابق صوبائی وزیر عبدالوحید ارائیں، معروف عالم دین علامہ شریف چنگوانی،بشارت قریشی ، رکن الدین حامدی، علامہ عبدالحق مجاہد ،خالق قندیل انصاری سمیت زندگی کے مختلف شعبوں سے تعلق رکھنے والے ہزاروں افراد نے شرکت کی۔
سینئر صحافی مظہر جاویدنے بتایاکہ علامہ خالد محمودندیم بدھ کی شام مقامی لاکالج میں سیرت سیدنا عمر فاروق سیمینارکے دوران دل کا دورہ پڑنے سے انتقال کرگئے تھے۔ان کے پسماندگان میں بیوہ، چھ بیٹے او ر ایک بیٹی شامل ہیں۔
فیس بک کمینٹ