ملتان:سی پی او ملتان منیر مسعود مارتھ نے کہا ہے کہ تھانہ شاہ شمس کی علاقے سے اغوا کے بعد قتل ہونے والی بچی کے ملزمان کو جلد گرفتار کرلیا جائے گا۔تفصیلات کے مطابق آٹھ سالہ عروج فاطمہ کو تھانہ شاہ شمس کے علاقے سے 5ستمبرکو اغوا کیاگیاتھا جس کی جمعہ کے روز تھانہ سیتل ماڑی کے علاقے سے نوبہارنہرسے لاش برآمد ہوئی۔
اس حوالے سے سی پی او ملتان منیر مسعود مارتھ کی طرف سے تشکیل دی گئی ٹیمیں ایس ایس پی آپریشنز ملتان شائستہ ندیم اور ایس ایس پی انویسٹیگیشن ملتان کیپٹن (ر) محمد عامر خان نیازی کی سربراہی آپریشن میں مصروف ہیں اورسی پی او ملتان نے ملزمان کو ٹریس کر کے فوری گرفتار کرنے کا حکم دیتے ہوئے کہا ہے کہ ملزمان کوجلد گرفتار کر کے قانون کے کٹہرے میں لایا جائے گا۔
فیس بک کمینٹ