اسلام آ باد : سپریم کورٹ کی جانب سے سیکڈ ایمپلائز ایکٹ 2010 کالعدم قرار دینے کے 17 اگست کے فیصلہ کے خلاف وفاقی حکومت نے نظرثانی درخواست دائر کرنے کا فیصلہ کیا ہے۔ ذ رائع کے مطا بق سپریم کورٹ کے فیصلے کیخلاف اٹارنی جنرل آج ہی نظرثانی کی درخواست دائر کریں گے۔ درخواست میں 17 اگست کے فیصلے پر نظر ثانی کی استدعا کی جائے گی۔ سیکڈ ایمپلائز ایکٹ کالعدم قرار دینے سے 17 ہزار سے زیادہ سرکاری ملازمین بے روزگار ہوئے۔ سپریم کورٹ کے فیصلے کیخلاف ملازمین ملک بھر میں سراپا احتجاج ہیں۔
سوموار کے روز پارلیمنٹ ہاؤس کے باہر ملک بھر سے آئے ہوئے برطرف سرکاری ملازمین نے دھرنا دیا تھا ۔ اس دھرنے کے بعد تمام محکموں کے نمائندوں سے مذاکرات کے بعد فیصلہ کیا گیا کہ حکومت کی جانب سے آج یہ درخواست دائر کر کے حکم امتناعی حاصل کرنے کی کوشش کی جائے گی تاکہ اگلے ہفتے تمام ملازمین اپنی ڈیوٹیوں پر واپس آ سکیں ۔
(بشکریہ : روزنامہ جنگ )
فیس بک کمینٹ